吳若希素顏變矇豬眼照拍親子片 被仔女糟質 網友：媽媽真偉大

人妻吳若希（Jinny）這日聯同大女Giselle及細仔搏豬，大跳近日Hit爆的「開花舞」，Jinny充滿自信素顏上陣，任由一對仔女狂捽面又搞亂頭髮，三個人玩得勁High，成功𠱁得不少網民開心。

同場加映：

聲夢傳奇｜冼靖峰挑戰快歌擺脫慢情歌王子形象 同屆學員各有發展：與自己比較

{{hket:ul-video id="8075"}}{{/hket:ul-video}}

{{hket:inline-image name="04274001.jpg"}}{{/hket:inline-image}}

{{hket:inline-image name="04274003.jpg"}}{{/hket:inline-image}}

Jinny這次上載的短片只得半分鐘左右，最初只得她與細仔搏豬出場，首先出現的「理想中的我」篇，兩母子可算合作無間，搏豬乖巧讓媽咪將雙手放在頭上擺出開花手勢，二人玩得好開心。不過緊接的「現實中的我」篇就出事，大女Giselle加入演出，兩姊弟四隻手在Jinny頭上亂舞，她原本笑住對鏡頭做動作，但Giselle突然失控，前後手狂捽媽媽塊面，搏豬就興奮得十足洗牌，搞到Jinny無奈瞌埋眼，側晒頭被仔女推出鏡頭，令人捧腹大笑。

吳若希3個鐘前後曬「喬裝」技術 素顏變日系妹子配MK大眼仔【下一頁】

Jinny在IG開心留言：「現實和理想的區別真的很大！當我以為是自己玩他們的時候...最終可能是他們玩你 #開花舞」。其實Jinny平日孖老公何兆鴻（Alex）好疼惜一對仔女就真，特別是他們生日的日子，兩公婆一定肉緊錫面珠仔拍照，分享愛意，畫面搞笑又溫馨。

（↓點擊放大睇圖片↓）

不少網民都話睇得開心，他們表示：「媽媽真偉大」、「睇到段片即刻開心晒」、「笑死！見到搏搏隻手仔好努力忍住（緊握拳頭）」、「理想同現實都拍到出來呀，細佬都好合作呀」、「搏豬瘋狂報仇」、「超打耳」、「幾溫馨嘅，太可愛了」、「玩細何生玩得你咁開心，係時候畀佢玩番轉頭」、「最後，笑咗」及「幾有愛」等。

撰文：娛樂組

圖片：吳若希Instagram

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】